БАЛАЛАРДЫ ТӘРБИЕЛЕУГЕ АРНАЛҒАН ОМАР ИБН АБДУЛЬ АЗИЗДЕН КЕҢЕСТЕР:
Автор: Шейх Абдуррахим Абу Нұғман (Алла рақым етсін)
Халифа Омар ибн Абдуль Азиз (Алла ол кісіге разы болсын) келесідей насихат айтты:
"Балаларыңа барынша қаталдық танытыңдар, бұл оларды қателесуден қорғайды. Таң намазынан кейінгі ұйқыдан сақтаңдар, себебі, ол ақымақтыққа, аңқаулыққа және ұқыпсыздыққа жол ашады. Аз күлуді үйретіңдер, себебі, көп күлу жүректі өлтіреді. Ең алдымен музыкадан бойын аулақ ұстауды үйретіңдер. Көп ғұламалар су шөпті қалай тез өсірсе, музыка да жүректегі екіжүзділікті тез өсіреді деген. Әр күнін тажуид ережесімен Құран оқудан бастаған жөн. Одан кейін садақ пен жебе беріп, мергендікке үйретіп, бойын шынықтырыңыз. Түс уақытында ұйықтауын қадағалаңыз. Сахаба Абдуллаһ ибн Масғуд (Алла рақым етсін) балаларына : "Түс уақытында демалыңдар, расында бұл уақытта тек шайтан ғана демалмайды." деген.
Омар ибн Абдуль Азиздың сөздерін қорытындылай келе, бала тәрбиесіне келесідей қадамдар керек :
– күнін Құран оқудан бастау ;
–таң намазынан кейін ұйықтамау ;
–музыкадан аулақ болу ;
– аз күлу ;
– денені шынықтыру ;
–түс уақытында тынығу.
Жоғарыдағы кеңестер өте маңызды. Әр ата -ана бала тәрбиесінде бұл пунктердің әрқайсысының орындалуын барынша қадағалауы тиіс.
Құран жайлы.
Мысалы, көп адамдар күнін жаңалық оқудан бастайды. Көбіне жаңалықтар адам көңіл -күйіне, күнінің сәтті өтуіне кері әсерін тигізетіні мәлім. Сондықтан күнін бүкіл әлемнің Раббысы болған Алланың сөзін оқудан бастаған жөн. Бұл сізді Аллаға жақындататыны анық. Балаңыз сіздің айнаңыз, сізге қарап ол да күнін Құран оқудан бастау керек екендігін түсініп, соған әрекет етеді.
Музыка жайлы.
Бала құлағын ерте кезден музыкадан сақтаңыз. Көп ата -аналар күнәлі істерді "ол әлі бала ғой " сөзімен ақталады . Екіжүзділікті сәби кезден алдын алыңыз. Компьютерлік ойындар боқтау сөздерден, жаман әдеттерден және музыкадан тұрмауы керек. Жас баланың кіршіксіз таза санасына қара дақ түспеуін қадағалаңыз. Тіпті мешітте дыбысын өшірмей, шырылдатып қоюды доғарыңыз. Біздің бойымызға музыка соншалықты үйреншікті құбылыс болып кеткені, адамның Аллаға ең жақын кезі - сәждеде музыка ойналып, тыңдалады.
Қалжыңдар жайлы.
Қазіргі кезде қалжың тіпті жаназада айтылады. Қалжыңдардың ақіретімізге қаншалықты зиян екенін ой елегінен өткізіңіз.
Спорт жайлы.
Денені шынықтыру өте маңызды. Осыдан 10 жыл бұрын біз де көп уақытымызды таза ауада өтуін қалайтынбыз. Бірақ қазір көп балалар уақытының басым бөлігін теледидар немесе қызықты гаджет алдында өтуін қалайды. Физикалық белсенділік толығымен электроникамен алмастырылды. Физикалық шынығу баланың жан дүниесінің дамуына және қоғамда өз орнын табуына оң әсерін тигізетіні мәлім.
Алла бәрімізге тура жолда болуды және салихалы ұрпақ тәрбиелеуімізді нәсіп етсін. Әмин!
Kun saeedan | كن سعيدا