ӘЛ-МУЛК СҮРЕСІНІҢ ҚАСИЕТТЕРІ!
Әл-Мулк сүресі (араб: سورة الملك) (Өкімет, Билеуші, тікелей мағынасы 'Патшалық') - Қасиетті Құран Кәрімнің 30 аяттан тұратын 67-ші сүресі. Бұл есім Алла Тағаланың 99-есімдерінің бірі. Сүреде Алла Тағаланың шексіз Құдіретті күшті екені еске салынады және кімде-кім Пайғамбар (салааллаһу ьəлəйһи уə сəллам) ескертулерін меңземейтін болса, онда ол Жаһаннамда отқа оралатыны ескертіледі.
Пайғамбарымыз (салааллаһу ьəлəйһи уə сəллам) былай дейді: «Мүлк сүресін әр күні түнде оқыған кісіге Алла Тағала қабір азабын бермейді».
«Мүлк сүресін оқымай жатпа, сірә өлгенде қабірде жолдас болады. Әр түні Мүлк сүресін оқыған кісі Қадір түнін ғибадатпен өткізгендей сауап алады. Мен Мүлк сүресінің үмбетімнен әр адамның жүрегінде болғанын жақсы көремін.»
«Құранда отыз аяттан тұратын сүре бар. Кім оны оқыса Қияметте оның күнәсі кешірілмейінше шапағат етуін тоқтатпайды. Ол – Мүлк сүресі».
(Әбу Дәуіт).
-«Мүлк сүресі жамандықтардың алдын алушысы және құтқартушысы. Ол қабір азабынан қорғайды.»
-«Мүлк сүресін әр түні оқыған адамнан Хақ Тағала қабір азабын алып тастайды.»
-«Мүлк сүресін оқымастан жатпа! Өйткені өлетін болсаң, қабірде саған жолдас болады. Әр түні Мүлк сүресін оқыған адам Қадір түнін ғибадатпен өткізгендей сауапқа ие болады.»
Абдуллаһ ибн Аббас (р.а.) былай дейді: «Мүлк сүресін оқы. Оны Жатта! Бала-шағаңа, көршілеріңе де үйрет! Өйткені, бұл сүре азаптан құтқарушы. Оқыған кісіге Алланың жанында шапағатшы. Егер кісі оны жаттаған болса, Алладан оны (кісіні) тозақтан құтқаруын тілейді. Алла, сол себепті оны қабір азабынан қорғайды».
Мұхаммед ибн Алқами былай дейді: «Әр түні Тәбәрәка (Мүлк) сүресін оқығаннан қабір сұрақтары сұралмайды».
Пайғамбарымыз (салааллаһу ьəлəйһи уə сəллам) былай дейді: «Құран Кәрімде отыз аяттық бір сүре бар. Кім ол сүрені ұйықтар алдын оқыса, ол кісіге отыз сауап жазылады, отыз күнәсы кешіріледі. Отыз дәреже көтеріледі. Алла Тағала ол кісіге бір періште жібереді. Ол періште ол кісінің үстіне қанатын жайып, оянғанша оны барлық нәрседен қорғайды. Ол сүре қабірде өзін оқыған кісіге(азап болмас) үшін күреседі. Міне, ол сүре Мүлк сүресі»